ANIVERSARIO DE ALEX B!

O pasado xoves Alex cumpriu 6 anos. Tiña tantas ganas de cumprilos que soprou as velas antes de que remataramos de cantarlle o "cumpleaños feliz"!

Así foi como o celebramos:

cumple alex - Kizoa Editar Videos - Movie Maker

PARABÉNS GOLFIÑO!!

SEMANA DA PRENSA E ANIVERSARIO DE ADRIANA!

Esta foi a “semana da prensa”, por iso achegamos periódicos á aula e  falamos deles: para que se usaba, quen os facía, os seus formatos… e vimos que había noticias de aquí (locais), de Galicia, de España…e de todo o mundo! Tamén atopamos diferentes apartados no periódico: o de deporte, o do tempo e un dos que máis nos gustaron…os pasatempos!

            Descubrimos as 3 partes dunha noticia: o título, a fotografía e o corpo. E para demostrar o ben que o sabíamos buscamos noticias por parellas e rodeamos as súas partes . E o luns…esperamos as noticias de cada golfiño!!!!

prensa - Kizoa Movie Maker

           Tamén foi o aniversario de Adriana, quen apagou as 6 velas dun só soprido!!Trouxo unha riquísima torta caseira e todas e todos a felicitamos, tirámoslle das orellas e démoslle bicos e apertas! PARABÉNS RULIÑA!:D

Aniversario de Yago e Día Internacional da Muller!

Hoxe foi o aniversario de Yago, que celebramos no cole con torta, chuches, bicos, abrazos, felicitacións e tirón de orellas! PARABÉNS GOLFIÑOO!

ANIVERSARIO Y - Kizoa Movie Maker

 Tamén conmemoramos o Día Internacional da Muller e coñecimos a Susana Seivane: unha muller traballadora e gaiteira famosa. Limos un pouco da súa biografía, escoitámola tocar e completamos o díptico que levamos para casa! (acordando tamén darlle bicos a abrazos a todas as mamás, traballadoras todas elas!)

Parabéns Laura!

Hoxe foi o aniversario de Laura, pero non puido vir ao cole porque esta enferma. Ao telo apuntado no calendario, acordámonos e gravamos este vídeo para poder felicitala no seu día! 
PARABÉNS RULIÑA!

Experimentando coas cores coa profe Eva!

Esta semana experimentamos coas cores coa profe Eva. Isto xurdiu a partir da lectura do conto "Brancos e negros" de David McKee. Primeiro limos este conto e falamos sobre os conflictos, as relacións, a tolerancia, a convivencia... Tamén fixemos unhas actividades lim del. Pulsando AQUÍ accededes ao conto e as actividades para poder escoitar a historia e facer as actividades de novo. 

 Pensar en como acabaran sendo grises os netos dos elefantes que se meteran no bosque deu pé ao experimento... E esta semana: 

 1. A profe Eva presentounos as cores primarias: azul, vermella e amarela.

2. O encargado (Alex S.) botou auga (que como vimos, é incolora) e témperas destas cores en tres botes e removeu.

3. Collimos papel absorbente (que como dixeron "bebe el agua") e os enrollamos.

4. Colocamos 3 botes vacíos e comunicamos co papel enrollado os botes con pintura cos vacíos, como na foto:

5. E fumos pacientes e esperamos... 6. Esperamos un pouco máis e a mañá seguinte...formáronse novas cores! Fixemos de 3...6!

MOITAS GRAZAS PROFE EVA! 
GUSTOUNOS MOITO!:D

Día de Rosalía de Castro

Hoxe celebramos o día de Rosalía de Castro, na data do seu nacemento. Para conmemoralo, todos os cursos elaboramos unha flor e ensaiamos o poema "eu cantar, cantar, cantei", feito canción por Uxía no seu libro-disco "Rosalía pequeniña". O tempo deunos unha tregua e puidemos saír todas as nenas e nenos do cole a cantar xuntos, levando a nosa flor na man. Nós, @s golfiñ@s, fixemos unhas rosas que quedaron ben xeitosas! Mirade, mirade:

Rosalía - Kizoa Movie Maker

Visita de "Arcos Iris" e aniversario de Alex S.!

          O venres tivemos a sorte de poder asistir ao concerto do grupo de corda  "Arcos Iris". Fíxose no noso cole e tamén asistiron os nenos e nenas do CRA de Culleredo. A través da súa música fixéronnos sentir diferentes emocións (medo, alegría, tristeza); trasladáronnos á praia e tocáronos unha peza do ballet da "Bella durmiente" de Tchaikovsky (foi do que máis nos gustou!). Tamén nos tocaron unha nana e remataron proporcionándonos alegría e enerxía con "viva la vida". Foi un concerto moi chulo! 

Este 19 de Febreiro tamén foi o aniversario de Alex S. e da súa irmá Claudia. Parabéns para os dous!:D Na aula o celebramos cunha riquísima torta, soprando as velas, con tirón de orellas, cancións e felicitacións!

ani alex - Kizoa Movie Maker