O NADAL NO COLE

    Comezamos decorando a aula cunhas árbores que quedaron chulísimas:

             Seguimos pintamos a silueta da nosa árbore de Nadal, onde colgamos as orixinais estrelas que @s golfiñ@s fixeron na casa coa axuda da familia:

Insertar en Blog - collages

      Tamén ensaiamos a panxoliña de “ Buscando a Papa Noel” de Mama Cabra (se pinchades no título lévavos cun enlace á canción)

E o venres…recibimos aos Reis Magos!

                …. falamos con eles e lles entregamos as nosas cartas!

                …. cantámoslles a panxoliña que aprenderamos!

               …. E agasalláronnos cun  regalo e lambonadas!

         Despois chegou o momento doce, onde tod@s xunt@s degustamos produtos típicos do Nadal: probamos turróns de diferentes tipos, mazapáns, polvoróns,…(non nos deu para comer todo, por iso levamos para casa algunhas cousas). 
Pero todo isto é mellor velo...

NADAL - Kizoa Movie Maker

Insertar en Blog - collages

Aniversario Brais!:D

       Este venres celebramos o aniversario de Brais (aínda que coma el aclarou, o día é mañá, 12 de decembro). Decorou a súa coroa, cantámoslle o "cumpleaños feliz", soprou as velas, elixiu as cancións que puxemos, e invitounos a un rico biscoito...e a unhas lambonadas! 

 PARABÉNS GOLFIÑO!!!E GRAZAS POR COMPARTILO CON NÓS!

- Kizoa Movie Maker

Radiografías para coñecer os nosos ósos!

             A pasada semana Xoán deixounos unha chea de radiografías que tiña na súa aula, onde están investigando o corpo. Quixemos aproveitalas para coñecernos un pouquiño máis por dentro!

             Primeiro tentamos adiviñar que eran esas  “imaxes”... sabiamos que eran para vernos o corpo por dentro, pero non o seu nome. Despois de coñecelo e corroborar que nelas podíamos ver os nosos ósos (e que as facían nos hospitais para saber se estaban os ósos rotos, fracturados..), puidemos ir á venta e coa luz, observar que partes do corpo e ósos se vían en cada unha das radiografías que tiñamos. Vimos radiografías de todas as partes do corpo, foi moi interesante e moi chulo!

            Finalmente, bailamos coa canción do esqueleto de Migallas . Pasámolo moi ben!

radiografías 2 - Kizoa Movie Maker

(P.D.:Se lle poñedes son á presentación das fotos ten a canción do esqueleto de Migallas)

Unha "l" chea de palabras...

          A semana pasada comezamos a traballar coa letra ele ("l"). E entre outras actividades, creamos esta "ele minúscula" con todas as palabras que cada golfiñ@ dixo. Aínda faltan algúns por pasalas ao ordenador, pero mirade como está quedando:

(elaborado a través de tagxedo)

Contacontos coa Dragona Ramona

     Este mércores visitounos a Dragona Ramona! Tróuxonos un conto que nos gustou moito. Fixemos un trato con ela e cada neno e nena tiña que contarlle o conto (un anaco, podendo inventar...) a unha persoa. Elaboramos un debuxo para axudarnos a contalo. Espero que os Golfiñ@s cumpriran coa misión e todos os papás e mamás escoitaran a historia!

   Tamén nos invitou a ir á Biblioteca de Vilaboa para visitala e pasar un fantástico rato rodeados de contos!

MAGOSTO!

     O pasado venres celabamos o Magosto no colexio. Pasámolo moi ben cantando a canción que aprenderamos; afinando a nosa puntería no xogo de encestar a castaña, pero sobre todo...comendo castañas! Como nos puxemos!  

         Esta semana tamén fixemos as nosas castañas andareiras, e Ana e Serki inventaron un conto que nos contaron a todas e todos. Mirade, mirade:

O fin de festa non puido ser mellor, con boa música:

SAÍDA!

     Esta semana fixemos unha saída a AFundación, para visitar a exposición "Eu tamén son un súper heroe". 

       Na exposición explicáronnos como se fan as películas de debuxos animados! Ensináronos todo o proceso: primeiro hai que ter unha historia para poder comezar a debuxar aos personaxes. Logo debemos darlle cor ao debuxo, crear o fondo e xuntando moitos debuxos con diferentes movementos creamos a película, como en Spirit. Tamén nos ensinaron como se fan as películas de debuxos con marionetas, foi moi interesante!

          No taller, cada un de nós, creou o seu súper heroe ou súper heroína con gomets e debuxou onde quería estar (algúns en Marte,  outros na praia, nunha árbore, nunha montaña, na casa...houbo variedade!).

         Tamén aprendemos como temos que comportarnos nos museos e vimos a primeira película de debuxos animados da historia.Tiña arredor de 200 anos!

SAÍDA - Kizoa Movie Maker

SAMAÍN!

Esta semana celebramos o Samaín no colexio, aínda que o día grande foi o XOVES.





Comezamos o luns co concerto de Samaín "Cántoche un conto?", de Luis Vallecillo, para o que levamos unha máscara de ollos terroríficos para dar moito medo!











Durante a semana nenos e nenas trouxeron cabazas feitas na casa (e que formaron parte da exposición de cabazas). Mirade que chulas:

O   mércores tivemos contacontos de medo coa profe Pilar e unha bruxa...que convertía en ratos aos nen@s que non estaban caladiños!






E o xoveees.... disfrazámonos! Mirade, mirade:

disfraces Samaín - Kizoa Movie Maker

                  Tamén cantamos e bailamos a canción do Samaín co resto de nenas e nenos do colexio, aprendimos unha adiviña sobre as cabazas e rematamos as nosas arañas!(na casa podemos coser e descoser a telaraña as veces que queiramos!). Antía trouxo un doce para compartir, e Amanda lambonadas para tod@s: MOITAS GRAZAS AS DÚAS!:D

ANIVERSARIO CARLA!:D

ANIVERSARIO DE SARA E DYLAN!

Debullamos millo!

         A chegada do Outono deunos moito que falar, aprender, traballar e pasalo ben.
        A pasada semana trouxemos á aula mazorcas de millo. Despois de observalas, tocalas, describir as súas partes, que se pode facer con elas... tivemos que debullalas!

 Unha forma diferente e moi divertida de mellorar a nosa psicomotricidade fina, mirade mirade!

Slideshow design created with Smilebox

ANIVERSARIO HUGO!:D

QUE SABEMOS SOBRE O UNIVERSO? Os nosos coñecementos previos

 E sobre todo... QUE QUEREMOS SABER?

Comezamos o PROXECTO DO UNIVERSO

              Esta mañá chegou á aula una caixa, que abrimos coa axuda da encargada Carla. Nela atopamos unha nota onde se nos informaba de que os nenos e nenas de 5 anos do CEIP da Ría do Burgo eramos os encargados de dirixir unha investigación sobre o universo!!
              Moi emocionados e contentos pensamos "a quen lle poderíamos pedir axudar para tal misión?"  e o nome de nais e pais (e avós, tías, amig@s...) foron xurdindo. Por eso elaboramos unha nota como esta para pedirvos colaboración.

ESPERAMOS A VOSA RESPOSTA!

Botando a vista atrás...o mellor do VERÁN 2015

            Ao comezar o colexio, quixemos compartir retazos deste verán que acababa de rematar. Por iso, botamos a vista atrás para rememorar o mellor deste xullo e agosto. Seguimos o seguinte proceso:


1º Debuxamos o noso mellor recordo nun folio con forma de ollo.
2º Contamos aos compañeiros e compañeiras o que debullaramos. Todos e todas levaron unha gran ovación tras a súa explicación!!
3º Creamos as nosas pestanas:

E mirade que muro cheo de recordos gardados neses ollos que miraros para atrás:

COÑECÉNDONOS CON CORAZÓN

                  O primeiro día de clase, ademais de profe nova...tamén coñecemos a unha nova compañeira: BENVIDA ANTÍA!:D


            Para coñecernos mellor, xogamos ao xogo de "coñecéndonos con corazóns", onde tivemos que buscar as nosas mitades, encaixar, describirnos e debuxar fielmente como eran as nosas compañeiras e compañeiros. Todas e todos estivemos moi atentos a poñerlles o seu color de pelo, de ollos... e descubrir os seus gustos. Este foi o resultado: